Sb Carni Podda no est sceti una panga, est sa stòria de una famìllia e de comenti si potzat mudai in d­unu campu traditzionali.

Silvia e Barbara funt is meris de sa sienda, de issas ndi pigat su nòmini SB Carni. Paris a su babu Ignazio, tenint sa panga chi bantat una traditzioni e una esperièntzia de prus de 50 annus in Seddori, ereditada de s’ajaju Raimodo Podda, cun in conca una cosa sceti: prandi de prexeri is bucas cun su mellus de sa petza sarda.

De importu mannu po nosu ­si contant is sorris­ est a defendi sa saludi de su crienti, garantia traballendi sa petza segundu sa normativa bòfia de su pianu HACCP e de su sistema de traciabilidadi chi si permitit de sighiri passu­passu sa fasi de produtzioni. De s’amori po sa petza e ispiraus de su bixinau sardu antigu, nascint is ingaùngius de Seddori, sinnu arregistrau de duus annus e boboi de su Campidanu de Mesu: sartitzu, panceta, copa, salami, guanciali e arista, fatus arrespetendi is arretzetas antigas de sa famìllia Podda, perfetzionadas cun passièntzia me is annus.

Intra de is cosas prus apretziadas nc’est su sartitzu stasonau, fatu sighendi un’arretzeta antiga de Seddori, s’agatat finsas picanti e chena ‘e glùtine. SB Carni Podda no si perdit perunu atòbiu de su territòriu. In s’acabu de cida passada sa sienda fiat in Siddi po su festival de sa cosa ‘e papai bona ­Appetitosamente­ po promovi sa traditzioni e sa curtura gastronòmica locali. S’ùrtima cida de cabudanni, comenti a sèmpiri, sa famìllia Podda at a essi intra de is protagonistas de sa Festa de su bixinau, unu de is atòbius prus intèndius de sa bidda. SB Carni, s’agatat pròpiu in su bixinau bèciu de Seddori, in pratza Porta Noa. Sa sienda at a cumbidai po s’ocasioni cosas diferentis, petza a arrustu insoru e is ingaùngius de Seddori, totus acumpangiaus de is mellus binus e produtus de su logu.

Sa butega de Seddori est unu de is primus iscritus de su Circùitu Sardex.net. “Seus stètius unu de is primus”, si contant is sorris, “a donai a is crientis, in d­unu momentu malu comenti a custu po s’economia, sa posibilidadi de unu pagamentu agiudau, chentza de tassu de interessu e chentza de arrenuntziai a sa calidadi e a sa seguresa de sa petza.

Oi podeus nai ca seus sa prima sienda, in su campu de sa petza, po numeru de operatzionis e de Sardex scambiaus e seus prexaus de fai parti de custa arretza fundada de stima torrada e chi fait arrichesa in su logu”.

“Su sardex ddu imperaus, tra is àteras cosas”, acabant, “po agiudai is restorantis e wine bar chi bolint arregalai a is crientis insoru una esperièntzia culinària ùnica e chi agatant in nosu sa seguresa de is produtus de calidadi, donendi sa posibilidadi a totus de fai una filiera locali de petza”.

Furriau in sardu de Tiziana Furcas e torrau a castiai de su Portalitu Lìngua Sarda de sa Provìncia de Casteddu

INSERITO IN:

• Da tutti i Circuiti
• Sardex
• Scritus sardus

Tag: